3 Bedroom House for sale in Kranspoort

'n Pragtige woonhuis met groot oop leefruimtes, hoe dakke en oop balke. Hierdie woning bied u soveel meer as net die normale. Die huis het 'n volledige solarsisteem met 2 x 8KW Inverters en 10 Lithium Batterye met 36 sonpanele - 'n behoorlike kragstasie vir 'n solarsisteem inderdaad. Daar is 'n alarmsisteem met 8 ogies, 16 kameras en 6 sensors buite die woonhuis - die eienaars sal egter bevestig dat Kranspoort uiters veilig is, maar dat hulle hierdie laat doen het omdat hul somtyds vir maande aaneen met vakansie gaan en nie tuis is nie. Daar is ook 'n 8Kv kragopwekker vir noodgevalle. Die boorgat word gebruik vir besproeiing en huishoudelike gebruik en het baie sterk water. (plus minus 5000Lt p/u). Daar is 'n filtersisteem in plek en 'n watertenk. 'n Gasstoof en oond en 2 gasgeyers. Die woonhuis bied u 3 groot slaapkamers en 2 badkamers waarvan die hoofslaapkamer se badkamer en-suite is. Die gastekamers het ingeboude kaste en die hoofslaapkamer het 'n aantrekkamer met baie hang en pakkplek. Al die kamers is toegerus met lugverkoelers. Die oopplan kombuis het 'n opwasarea. Daar is ook 'n wasarea. 'n Groot eiland in die kombuis en oorgenoeg kaste vir pakplek. Die ontwerp van die woning laat jou baie dink aan 'n ''waenhuis'' styl met die groot kombuis, oopplan eet en sitkamer met 'n soliede Rooshout muureenheid, en die onthaalarea met binnebraai wat uitstap op 'n lieflike onderdak area met swembad en kuier plek. Daar is ook 'n boma waar laataande gekuier kan word. Die tuin is pragtig en goed beplan en 'n besproeiingstelsel is in plek. Daar is 5 motorhuise vir voertuie en/of werksspasie, 'n koelkamer en genoeg onderdak parkering vir 'n boot of 4 tot 5 ekstra voertuie. Die is 'n onderdak beskermde parkeerarea vir 'n groot karavaan of boot. Die eiendom het meer as genoeg stoorplek, buitegeriewe en 'n geinstalleerde koelkamer by die 2de motorhuis. Hierdie eiendom bied u verseker baie-baie meer as die gemiddelde woonhuis. Kranspoort is gelee op die N11 tussen Middelburg en Groblersdal en 'n klipgooi van die gewilde Loskopdam en reservaat. Hier loop wild tussen die woonhuise rond en kan kinders met fietse in strate gaan ry of die bosveld omgewing verken sonder enige bekommernis. Kranspoort bied aan inwoners 4x4 roetes, staproetes, 'n 9 Putjie gholfbaan, Diskgolf, 'n klubhuis waar etes bestel kan word, restaurante in die omgewing, 'n gemeenskapskerk, drankwinkel en Kudu Mini Market, stooreenhede, 'n mini hardeware winkeltjie oorkant die ingang van Kranspoort, asook twee kwekerye in die omgewing. U is meer as welkom om my te kontak vir 'n afspraak om hierdie eiendom te besigtig.

Kranspoort, Kranspoort, Middelburg, Mpumalanga

Area view — the exact address is shared on enquiry.

• Public facilities unavailable for this area.