3 Bedroom House for sale in Kranspoort

Hierdie pragtige woning in Kranspoort bied u 'n moderne huis wat grens aan die groenstrook area aan twee kante en baie privaatheid. Die huis het 3 ruim slaapkamers met ingeboude kaste en 2 volledige badkamers met beide 'n bad, stort, wasbak en toilet. Die hoofslaapkamer se badkamer is en-suite. Die storte is groot, die afwerking besonders en modern en die huis regdeur verras met mooi hout, staal en alliminium afwerking, interressante teelkeuses en 'n vrolike kombuis kompleet met 'n eiland, genoeg pakplek, 'n spens en opwasarea, 'n gasstoof met elektriese oond en quartz blaaie. Die leefarea is oopplan en daar is genoeg plek vir 'n eetkamer en 'n sitkamer. Vanuit hierdie vertrek stap u uit op 'n heerlike groot onthaalarea met ingeboude braai en 'n uitsig oor die groenstrookarea wat sal verseker dat u gereeld wild sal sien in die verbygaan. Die kamers is toegerus met dakwaaiers en daar is 'n gas en elektriese geyser. 'n Dubbel motorhuis asook buitegeriewe. Kranspoort is 'n lieflike plek om te woon. Veilig, met 'n sekuriteitsbeheerde toegangshek en 'n sekuriteitsbewuste gemeenskap wat wil verseker dat ieder en elke inwoner die rus en vrede wat die omgewing bied kan geniet en waardeer. Kranspoort is enig en uniek in soort en die leefstyl is gewild. Kranspoort is nie net bekend vir sy veiligheid nie, maar ook vir sy vriendelike mense, die rustige omgewing en goeie instandhouding en beheer deur die Kranspoort Eienaars Komitee. Kranspoort is beslis 'n plek waar mens kan asem haal en ontspan, weg van die dolle gejaag van die lewe buite hierdie beskermende area met wildsheining. Beheerde sekuriteitstoegang verseker dat inwoners hier veilig voel, en goeie instandhouding en beheer maak die lewe in Kranspoort absoluut gemaklik, Kranspoort bied u soveel meer as net 'n beskermende woongebied. Met die 9 putjie gholfbaan, jukskei bane, markdae, 4x4 roetes en staproetes, voeluitkyk punt en piekniek plekke sowel as speelplek vir kinders en braaigeriewe by die Raasblaar saal, is hier meer as genoeg om te doen. Kinders kan hier, sonder bekommernis van ouerkant, die bos gaan verken en op hul fietse klim en die dorp invaar. Kontak my gerus vir 'n afspraak om hierdie eiendom te besoek.