2 Bedroom House for sale in Mookgopong Rural

Netjiese, ten volle gemeubileerde aftree huis in 'n uitstekende toestand in die hartjie van die Bosveld. Hierdie is ‘n netjiese, privaat losstaande eiendom in ‘n uitmuntende toestand met standaard afwerkings en baie meer as wat die foto’s kan wys. Met die wonderskone natuur om jou, omring deur bome. ‘n Ryk voe¨l lewe en wildsbokkies wat tussen die wooneenhede kom kuier. Met die intrapslag omhels die warmte van die oop leefarea jou. Die ruim leefarea en oopplan kombuis vorm 'n geintegreerde area. Pragtige oopplan, moderne kombuis met genoeg kaste, graniet blad, 'n gasstoof en 'n elektiese oondtjie met plek vir ‘n regop yskas/vrieskas kombinasie. Daar is ook plek vir 'n outomatiese wasmasjien en skottelgoedwasser. Die huis het twee slaapkamers. Die hoofslaapkamer is ruim met genoeg ingeboude kaste. Daar is ook 'n glas skuifdeur wat uitloop op die kuierarea. Die tweede slaapkamer vloei uit die leefarea uit en het ook genoeg ingeboude kaste. Die Badkamer, wat tot teen die dak geteel is, bestaan uit 'n stort en 'n wasbak en toilet. Die leefarea is ruim met genoeg plek vir 'n sitkamer - en 'n eetkamerstel. Daar is ook 'n glas skuifdeur wat op die kuier area uitloop. Buite die leefarea is 'n ruim, geplaveide kuier area met 'n ingeboude braai. Daar is 'n enkel motorafdak. Die eenheid is goed gelee¨, stapafstand van die sorgsentrum, restaurant, swembad, tennisbane en baie meer fasiliteite om van te droom. Eenheid word verkoop met al die meubels en toestelle ingesluit. Skakel my vandag om nie hierdie droomwoning te mis nie!