3 Bedroom House for sale in Kranspoort

Hierdie uiters besonders en luukse woning is nou te koop in die pragtige Kranspoort Dorp. Voorwaar 'n eiendom waaroor u kan liries raak. Die eiendom het drie slaapkamers met drie en-suite badkamers, keurig en modern in uitleg en afwerking. 'n Oopplan kombuis en leefarea met 'n onthaalarea, ingeboude braai en 'n asemrowende mooi uitsig oor die swembad en omgewing. 'n Boma vanuit die kombuisarea is ideaal vir laataand kuiers om 'n vuur. Die oopplan leefarea stap uit, deur opvou alliminium deure, na die braaikamer waar daar heerlik gekuier kan word. Vanuit hierdie vertrek is die swembad ook bereikbaar sowel as vanuit twee van die kamers. Daar is gastegeriewe Die derde gastekamer is op die onderste vlak van die woning en toegang word verkry vanaf die parkeerarea met trappe. Ideaal vir gaste wat verkies om privaat te wees. Die eiendom is toegerus met gas geysers, 'n gasstoof met elkektriese oond, 'n solarsisteem en ekstra watertenks vir opgaarwater. 'n Argiteksoog in die ontwerp en 'n meestersoog in die afwerking. 'n Eiendom wat voorwaar uitstaan in klas en kwaliteit. Hierdie eiendom bied voornemende kopers verskeie opsies, om as alleeneienaars die eiendom voltyds te bewoon OF dit te gebruik vir naweke en vakansies en uit te verhuur as 'n selfsorg woning (slaap 6 volwassenes en 4 kinders) OF om gesamentlik tussen vriende, 'n eiendom in Kranspoort te koop wat met sy unieke styl en private kamers, ideaal sal wees vir ofgesamentlike gebruik of afwissel en naweke en vakansies gebruik as 'n "wegbreek in die bos". Kranspoort is gelee op die N11 tussen Middelburg en Groblersdal en 'n klipgooi van die gewilde Loskopdam en reservaat. Hier loop wild tussen die woonhuise rond en kan kinders met fietse in strate gaan ry of die bosveld omgewing verken sonder enige bekommernis van ouer kant. Kranspoort bied aan inwoners die gemoedsrus van veiligheid met 'n sekuriteitsbeheerde ingang, 4x4 roetes, staproetes, 'n 9 Putjie gholfbaan, Diskgolf, 'n klubhuis waar etes bestel kan word, meer as een restaurant in die omgewing, 'n gemeenskapskerk, Mossienes Kwekery en dan ook Moot Stooreenhede en Die Moot Restaurant oorkant die hoofingang van Kranspoort. Kranspoort spog ook met goeie instandhouding wat beheer word deur die Kranspoort Eienaarskomitee met bekostigbare heffings vir voltitel eiendomme, 'n watersuiweringsaanleg en selfs 'n geregistreerde Abbatoir. Daar word nou saamgewerk met Natuurbewaring om die omgewing en bosveld te bewaar en te beheer van indringer plante en om te sien na vrylopende wild. Of jy nou opsoek is na 'n plekke in die bos om naweke te kom ontspan of permanent op Kranspoort wil kom bly, hier sal jy beslis rus en vrede vind. Kontak my gerus vir 'n afspraak om hierdie besonderse eiendom te besoek.

Kranspoort, Kranspoort, Middelburg, Mpumalanga

Area view — the exact address is shared on enquiry.

• Public facilities unavailable for this area.